Q2. 點解你們做相簿及油畫可以咁快?
因為一般婚紗攝影公司都將製作工序外發或交由內地公司製造. 期間又會有溝通, 顏色, 交通運輸, 品質等問題出現, 所以佢地多數都預鬆少少時間,方便重做.而我們公司就設在官塘, 客人來到由接單同事了解需要, Designer 開file核對裁切尺寸, 有需要就馬上修改, 另工場同事又可以馬上出test print試色及製作, 一切工作都緊連在一起的,而最重要是香港製作 .

Q3. 最快最快幾多日可以做起結婚油畫?
最快2-3日都可以; 記得曾經有客人拍了婚紗相已3個多月都未拿到油畫同相簿, sales 話一定有, 但最終只給他3R相, 佢地拿住張相來求救, 結果我們幫佢scan, 又放大, 咁就做左出來, 雖然蒙左D, 但佢兩公婆開心到相喊! 因為佢星期四來取相, 而星期五就擺酒, 佢話"結婚點可以冇相擺出來架!"

Q4. 請介紹一下你們的經營方法?
做生意最重要是要訓得著(心安理得), 所以我們將大部份價目都放在網頁上, 客人未接觸我們前已心中有數; 就連生產力促進局的職員在頒發"優質婚禮商戶"前的查訪中都盛讚我們公司資料簡單清楚 .

Q5. 甚樣計算畫框價錢呢?
客戶先在自選相框系列內選擇相框; 每張圖片下方都標明框邊價錢.計算例子: 如果要做20" x 30"畫框連畫, 假設畫框邊$4.5/inch,

畫框: (20"(長) + 30"(闊)) x 2 x $4.5/inch=$450
相紙+過膜: 20"(長) x 30"(闊) x $0.5/inch=$300
裝裱手工費: $120/幅
計算結果: 畫框$450 + 相紙$300 + 裱工$120 = $870

Q6. 包框油畫框邊厚度有幾多，會唔會太厚唔靚?
通常都是3cm(厚), 但當相size比較細，可以做2cm-2.5cm(厚)框邊.

Q7. 一般交貨時間?
正常情況畫框裝裱, 油畫製作, 宴會背景等約需7日,結婚相簿約10日內完成,簽名布, 相紙裱板, 沖印放大, 易拉架等約3日內完成.不過一切都以當時開單所述日期為準.

Q8. 我淨係得張畫可唔可以幫我裝相框?
可以的, 我們經常同畫家或新婚夫婦加工自來相的, 而最近公司客戶比較多添!(可能頒獎活動多數都會做返張記念掛!)

Q9. 做好貨後, 點樣交貨呢?
客人做滿$1200, 我們都包送貨的; (鐵路沿線)不過大部份客人都會到公司自取, 因為當面交收大家都放心D.

Q10. 我無時間到公司, 但又想做畫, 咁有咩方法?
首先你可以在"自選相框系列"的圖片中選幾款比較喜歡的, 然後send你要製作的相給我們, 由我們先出test print連同你選中的相框角寄速遞給你公司地址收.咁就可以慢慢配對; 選好啦! 就退回框角及通知所選形號便可.相簿的做法也類似, 請選好相簿簿殼, 相片請跟次序cover, 1, 2, 3 4, 等排列, 我們收到file後便會回覆閣下相片有冇問題及作排版等, 但最好還是上來我們公司直接溝通好D.

Q11. 我同老公book左攝影師到日本拍婚紗相, 不過佢淨係影相, 影完被返D相給我, 其油畫相簿都無做, 你可以唔可以幫我呢?
當然可以啦! 你都算係聰明消費者, 咁樣可以拿返晒D相之餘又唔使Joint package, 重順便遊埠. 得閒上來我們公司參觀指教下, 睇下D sample, 器材, 同製作介紹啦.

Q12. 想問下包框油畫多唔多人整,我新屋入伙相掛張風景畫(自己影架)
包框畫己流行好耐啦! 近幾年好多人都鐘意拿相機四圍影相, 偶有佳作時都想將佢展現出來.

Q13. 我末同你地做過, 品質有冇保證架?
我地工場設係官塘, 而從事畫方面製作已快9年, 無形中都有個guide line, 從物料選用, 製作方法, 顏色標準, 甚至客戶服務方面都盡量配合要求. 唔使擔心, 你睇完實版後, 覺得ok. 就被我地做, 唔適合就算啦! 產品係得咁多, 都唔使hard sale啦!

Q14. 其實你們跟攝影公司有否存在競爭?
其實不存在競爭, 反面有協同效應; 我們認為做好自己專長的婚紗相輸出是最切合, 而婚紗攝影方面, 我們推薦各位新婚朋友還是使用香港的婚紗公司, 例如: 法國婚紗攝影, 現代經典, 大日子, 芝柏, 羅浮宮, 歐陸, I DO, 新天地, 蒙娜麗莎, 金夫人, 莎莎, 密月婚紗, 浪漫一生婚紗攝影, 歐陸婚紗攝影, Image Ease Pro, A.T.STUDIO LTD, Michael Law Studio 等等! 這些比較切合香港人風格的; 而有D國內廣東省內, 深圳取景的婚紗相, 風格硬係有D唔同, 特別是沙灘取景的相, 很容易知道的; 例如個天灰灰地, 海水唔清澈, 有時會影到新人旁邊有軍艦, 貨櫃船.
公司個 designer 睇到都皺眉頭!

Q15. 你地同starphoto, photo plus 等公司的分別在那裡?
我們的專長是在相片顏色的輸出, 客戶帶手指(USB)上到來, 馬上可以將相片調色及出test print. 而且所用的器材是最專業的. (Computer: Mac G5, Output Ploter: Epson Stylus Pro 9800, 墨水:原廠8色Epson Ultra Chrome K3 Ink)